umanD ke aankh se ik baar bah chale aansu — Khwaja Hasan 'Hasan'

rahi be-qaraari asiri ki yuun hi
to sayyaad TukDe tiraa daam hogaa

vo jab tak ki zulfein sanvaaraa kiyaa
khaDaa us pe main jaan vaaraa kiyaa

vaqt-e-nazzaara na ro kahte the ai chashm tujhe
shiddat-e-girya se le khaak na sujhaa, dekhaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

meri qismat mein gham gar itnaa thaa
dil bhi yaa-rab kai diye hote