naala fariyaad aah aur zaari — Khwaja Meer Dard

ne gul ko hai sabaat na ham ko hai e'tibaar
kis baat par chaman havas-e-rang-o-bu karein

tujhi ko jo yaan jalva-farmaa na dekhaa
baraabar hai duniyaa ko dekhaa na dekhaa

baagh-e-jahaan ke gul hain yaa khaar hain to ham hain
gar yaar hain to ham hain aghyaar hain to ham hain

aankhein bhi haae nazaa mein apni badal gaiin
sach hai ki bekasi mein koi aashnaa nahin

yak-ba-yak naam le uThaa meraa
ji mein kyaa us ke aa gayaa hogaa

saaqi mire bhi dil ki taraf Tuk nigaah kar
lab-tishna teri bazm mein ye jaam rah gayaa

mere khvaabon ke jharokon ko sajaate rahiye
na sahi vasl magar yaad to aate rahiye

ajnabi mujh se aa gale mil le
aaj ik dost yaad aae mujhe

dil to lete ho magar ye bhi rahe yaad tumhein
jo hamaaraa na huaa kab vo tumhaaraa hogaa

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

hamein islaam se itnaa ta'alluq hai abhi baaqi
buton se jab bigaDti hai khudaa ko yaad karte hain

abhi sahifa-e-jaan par raqam bhi kyaa hogaa
abhi to yaad bhi be-saakhta nahin aai