Khwaja Meer Dard

"jaan se ho ga.e badan khali jis taraf tu ne aankh bhar dekha"

"dil bhi ai 'dard' qatra-e-khun tha ansuon men kahin gira hoga"

"tohmat-e-chand apne zimme dhar chale jis liye aa.e the ham kar chale"

"hamen to baagh tujh bin khana-e-matam nazar aaya idhar gul phaDte the jaib roti thi udhar shabnam"

"'dard' kuchh ma.alum hai ye log sab kis taraf se aa.e the kidhar chale"

"dard-e-dil ke vaste paida kiya insan ko varna taa.at ke liye kuchh kam na the karr-o-bayan"

nahin shikva mujhe kuchh bevafaai kaa tiri hargiz
gilaa tab ho agar tu ne kisi se bhi nibhaai ho

zindagi hai yaa koi tufaan hai!
ham to is jiine ke haathon mar chale

sair kar duniyaa ki ghaafil zindagaani phir kahaan
zindagi gar kuchh rahi to ye javaani phir kahaan

tar-daamani pe shaikh hamaari na jaaiyo
daaman nichoD dein to farishte vazu karein

aziyyat musibat malaamat balaaein
tire ishq mein ham ne kyaa kyaa na dekhaa

dard-e-dil ke vaaste paidaa kiyaa insaan ko
varna taaat ke liye kuchh kam na the karr-o-bayaan