barsaat kaa mazaa tire gesu dikhaa gae — Lala Madhav Ram Jauhar

ai dost tujh ko rahm na aae to kyaa karun
dushman bhi mere haal pe ab aab-dida hai

apni zabaan se mujhe jo chaahe kah lein aap
baDh baDh ke bolnaa nahin achchhaa raqib kaa

jab kahte hain ham karte ho kyuun vaada-khilaafi
farmaate hain hans kar ye nai baat nahin hai

us ne phir kar bhi na dekhaa main use dekhaa kiyaa
de diyaa dil raah chalte ko ye main ne kyaa kiyaa

mal rahe hain vo apne ghar mehndi
ham yahaan eDiyaan ragaDte hain

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

pyaaso raho na dasht mein baarish ke muntazir
maaro zamin pe paanv ki paani nikal paDe

dekhtaa hai kaun 'baabar' kis kaa kyaa kirdaar hai
jis se jo mansub qissa ho gayaa to ho gayaa

main subh khvaab se jaagaa to ye khayaal aayaa
jo raat mere baraabar thaa kyaa huaa us kaa

baarish hui to ghar ke dariche se lag ke ham
chup-chaap sogvaar tumhein sochte rahe

jis baadal ne sukh barsaayaa jis chhaanv mein priit mili
aankhein khol ke dekhaa to vo sab mausam lamhaati the

dil mein soe saare dard jagaataa hai
bin mausam ki baarish aisaa nauha hai