is taraf dair udhar kaaba kidhar ko jaaun — Lala Madhav Ram Jauhar

ai dost tujh ko rahm na aae to kyaa karun
dushman bhi mere haal pe ab aab-dida hai

apni zabaan se mujhe jo chaahe kah lein aap
baDh baDh ke bolnaa nahin achchhaa raqib kaa

jab kahte hain ham karte ho kyuun vaada-khilaafi
farmaate hain hans kar ye nai baat nahin hai

us ne phir kar bhi na dekhaa main use dekhaa kiyaa
de diyaa dil raah chalte ko ye main ne kyaa kiyaa

mal rahe hain vo apne ghar mehndi
ham yahaan eDiyaan ragaDte hain

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

jab ki pahlu se yaar uThtaa hai
dard be-ikhtiyaar uThtaa hai

koThe pe chehra-e-pur-nur dikhaayaa sar-e-shaam
yaar se rajat-e-khurshid kaa ejaaz huaa

ai 'hafiz' aah aah par aakhir
kyaa kahein dost vaah vaa ke sivaa

naaseh ne meraa haal jo mujh se bayaan kiyaa
aansu Tapak paDe mire be-ikhtiyaar aaj

dushmanon se dosti ghairon se yaari chaahiye
khaak ke putle bane to khaaksaari chaahiye

jahaan ho pyaar ghalat-fahmiyaan bhi hoti hain
so baat baat pe yuun dil buraa nahin karte