ham jhulas to rahe hain ai jaanaan! — Lateef Sahil

main to chaltaa huun teri yaad ke saath
raasta mere saath chaltaa hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

maanaa ki teri diid ke qaabil nahin huun main
tu meraa shauq dekh miraa intizaar dekh

kyuun kar baDaa na jaane munkir nape ko apne
inkaar us kaa naanaa aur shaikh hai navaasaa