dil aur shama donon baraabar hain sokhta — Mahboob Azmi

mauquf hai kyuun hashr pe insaaf hamaaraa
qissa jo yahaan kaa hai to phir tai bhi yahin ho

main baDaa ho gayaa huun magar bachpanaa
mere dil se kabhi bhi gayaa hi nahin

chaand ne taan li hai chaadar-e-abr
ab vo kapDe badal rahi hogi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

phir mujhe dida-e-tar yaad aayaa
dil jigar tishna-e-fariyaad aayaa

dil miraa zulf seti chhuT phansaa abru mein
kufr kuun tark kiyaa maail-e-mehraab huaa