ye ashk tere mire raaegaan na jaaeinge — Manzar Bhopali

ik makaan aur bulandi pe banaane na diyaa
ham ko parvaaz kaa mauqaa hi havaa ne na diyaa

aankh bhar aai kisi se jo mulaaqaat hui
khushk mausam thaa magar TuuT ke barsaat hui

aap hi ki hai adaalat aap hi munsif bhi hain
ye to kahiye aap ke aib-o-hunar dekhegaa kaun

baap bojh Dhotaa thaa kyaa jahez de paataa
is liye vo shahzaadi aaj tak kunvaari hai

kah do 'mir'-o-'ghaalib' se ham bhi sher kahte hain
vo sadi tumhaari thi ye sadi hamaari hai

unhin pe saare masaaib kaa bojh rakkhaa hai
jo tere shahr mein imaan le ke aae hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

sitaare is qadar dekhe ki aankhein bujh gaiin apni
mohabbat is qadar kar li mohabbat chhoD di ham ne

is dil mein chubhaa rahtaa thaa kaanTe ki tarah vo
ik roz use main ne mohabbat se nikaalaa

ai subh ki kiran mujhe pyaari hai tu bahut
tujh se lipaT paDungaa agar jaagtaa huaa