aankh bhar aai kisi se jo mulaaqaat hui — Manzar Bhopali

ik makaan aur bulandi pe banaane na diyaa
ham ko parvaaz kaa mauqaa hi havaa ne na diyaa

aap hi ki hai adaalat aap hi munsif bhi hain
ye to kahiye aap ke aib-o-hunar dekhegaa kaun

baap bojh Dhotaa thaa kyaa jahez de paataa
is liye vo shahzaadi aaj tak kunvaari hai

kah do 'mir'-o-'ghaalib' se ham bhi sher kahte hain
vo sadi tumhaari thi ye sadi hamaari hai

ab samajh lete hain miThe lafz ki kaDvaahaTein
ho gayaa hai zindagi kaa tajraba thoDaa bahut

unhin pe saare masaaib kaa bojh rakkhaa hai
jo tere shahr mein imaan le ke aae hain

pyaaso raho na dasht mein baarish ke muntazir
maaro zamin pe paanv ki paani nikal paDe

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

kamaan abru nipaT shah-zor haigaa
ki shaakh-e-aashnaai toD Daali

aaj kuchh aise shoale bhaDke baarish ke har qatre se
dhuup panaahein maang rahi hai bhige hue darakhton mein

DyoDhi mein aa gayaa thaa ki baarish zaraa thame
zanjir-e-dar to yuun hi mire yaar hil gai