jhuTi baaton ki tajalli nazar aae aise — Muneer Shikohabadi

khuub taazir-e-gunaah-e-ishq hai
naqd-e-jaan lenaa yahaan jurmaana hai

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

jis roz main gintaa huun tire aane ki ghaDiyaan
suraj ko banaa deti hai sone ki ghaDi baat

haath milvaate ho tarsaae gilauri ke liye
kaf-e-afsos na mal jaae kahin paanv mein

jab kabhi maski kaTori kyaa sadaa paidaa hui
karti hai angiyaa ki chiDiyaa chahchahaane ki havas

ho gayaa maamur aalam jab kiyaa darbaar-e-aam
takhliya chaahaa to duniyaa saaf khaali ho gai

aankhon mein meri subh-e-qayaamat gai jhamak
siine se us pari ke jo parda ulaT gayaa

jama karti hai mujhe raat bahut mushkil se
subh ko ghar se nikalte hi bikharne ke liye

sahar ke saath chale raushni ke saath chale
tamaam umr kisi ajnabi ke saath chale

vafaa ki pyaar ki gham ki kahaaniyaan likh kar
sahar ke haath mein dil ki kitaab detaa huun

ai intizaar-e-subh-e-tamannaa ye kyaa huaa
aataa hai ab khayaal bhi teraa thakaa huaa

subh gar subh-e-qayaamat ho to kuchh parvaa nahin
hijr ki jab raat aisi be-qaraari mein kaTi