harba hai āshiqoñ kā faqat āh-e-pechdār — Shayari Of Mushafi Ghulam Hamdani

roz-e-visāl jis ko kahtī hai ḳhalq vo hī
maz.hab meñ āshiqoñ ke roz-e-vafāt bhī hai

jam.a rakhte nahīñ, nahīñ ma.alūm
ḳharch apnā kahāñ se uThtā hai

jism ne rūh-e-ravāñ se ye kahā turbat meñ
ab mujhe chhoḌ ke tanhā tū kahāñ jaatī hai

ai 'mus.hafī' ab chakhiyo mazā zohd kā tum ne
mai-ḳhāne meñ jā jā ke bahut pī haiñ sharābeñ

sādiq se bas ik aan meñ ho jaave tū kāzib
dikhlā.ūñ agar tujh ko maiñ us zulf kā ḳham sub.h

do tiin dam-e-sard bhare haiñ to vo bole
jaao mirī majlis ko na kashmīr banāo

tamannā dard-e-dil kī ho to kar ḳhidmat faqīroñ kī
nahīñ miltā ye gauhar bādshāhoñ ke ḳhazīnoñ meñ

ye masā.il-e-tasavvuf ye tirā bayān 'ġhālib'
tujhe ham valī samajhte jo na bāda-ḳhvār hotā

kise ḳhabar ki safīne Dubo chukī kitne
faqīh o suufī o shā.ir kī nā-ḳhush-andeshī

zamīr-e-lāla mai-e-lāl se huā labrez
ishāra paate hī suufī ne toḌ dī parhez

ḳhudāvandā ye tere sāda-dil bande kidhar jaa.eñ
ki darveshī bhī ayyārī hai sultānī bhī ayyārī

hakīm o aarif o suufī tamām mast-e-zahūr
kise ḳhabar ki tajallī hai ain-e-mastūrī