jam.a rakhte nahīñ, nahīñ ma.alūm — Shayari Of Mushafi Ghulam Hamdani

harba hai āshiqoñ kā faqat āh-e-pechdār
darvesh log rakhte haiñ jaise hiran kī shāḳh

jism ne rūh-e-ravāñ se ye kahā turbat meñ
ab mujhe chhoḌ ke tanhā tū kahāñ jaatī hai

ai 'mus.hafī' ab chakhiyo mazā zohd kā tum ne
mai-ḳhāne meñ jā jā ke bahut pī haiñ sharābeñ

sādiq se bas ik aan meñ ho jaave tū kāzib
dikhlā.ūñ agar tujh ko maiñ us zulf kā ḳham sub.h

pairahan luuTe maze terī ham-āġhoshī ke
ham kareñ chaak garebān ḳhudā kī qudarat

roz-e-visāl jis ko kahtī hai ḳhalq vo hī
maz.hab meñ āshiqoñ ke roz-e-vafāt bhī hai