utni der sameTun saare dukh tere — Naeem Gilani

maut se aage tak ke manzar dekhe hain
tanhaai se yunhi Dar nahin jaataa main

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

kar letaa huun band aankhein main divaar se lag kar
baiThe hai kisi se jo koi pyaar se lag kar

zamin se uTThi hai yaa charkh par se utri hai
ye aag ishq ki yaa-rab kidhar se utri hai

jiine vaale tire baghair ai dost
mar na jaate to aur kyaa karte

jafaa o jaur-e-musalsal vafaa o zabt-e-alam
vo ikhtiyaar tumhein hai ye ikhtiyaar mujhe