maut se aage tak ke manzar dekhe hain — Naeem Gilani

utni der sameTun saare dukh tere
jitni der ai dost bikhar nahin jaataa main

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ab mire vaaste har mauj hai aaghosh-e-sukun
bahr-e-gham mein jo nahin hai koi saahil na sahi

dard kaa silsila hai jahaan tak
dil ki jaagir hogi vahaan tak

teri yaadon ke lamhe bhi bedard the
tujh ko mujh se churaate rahe raat-bhar