umr bhar rashk-e-adu saath thaa kahtaa kyaa haal — Munshi Amirullah Tasleem

kyaa khabar mujh ko khizaan kyaa chiiz hai kaisi bahaar
aankhein kholin aa ke main ne khaana-e-sayyaad mein

ahd ke baa'd liye bose dahan ke itne
ki lab-e-zud-pashimaan ko mukarne na diyaa

ham ne paalaa muddaton pahlu mein ham koi nahin
tum ne dekhaa ik nazar se dil tumhaaraa ho gayaa

subh hoti hai shaam hoti hai
umr yunhi tamaam hoti hai

aas kyaa ab to umid-e-naa-ummidi bhi nahin
kaun de mujh ko tasalli kaun bahlaae mujhe

dil-lagi mein hasrat-e-dil kuchh nikal jaati to hai
bose le lete hain ham do-chaar hanste bolte

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

aao tum hi karo masihaai
ab bahalti nahin hai tanhaai

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa