ham vo log hain jo chaahat mein — Nasir Shahzad

dariyaa pe Tikri se pare khaanqaah thi
tab tere mere pyaar ki duniyaa gavaah thi

dekhaa qad-e-gunaah pe jab is ko multafit
baDh kar had-e-nigaah lagi us ko Dhaanpne

yaad aae tu mujh ko bahut jab shab kaTe jab pau phaTe
jab vaadiyon mein duur tak kohraa dikhe be-ant saa

khile dhaan khilkhilaa kar paDe naddiyon mein naake
ghani khushbuon se mahke mire des ke ilaaqe

hijraton mein huzuriyon ke jatan
paanv ko duriyon ne gheraa hai

ek kaaTaa raam ne siitaa ke saath
dusraa ban boss mere naam par

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mohabbat ek khushbu hai hamesha saath chalti hai
koi insaan tanhaai mein bhi tanhaa nahin rahtaa

mahak rahi hai zamin chaandni ke phulon se
khudaa kisi ki mohabbat pe muskuraayaa hai

main har haal mein muskuraataa rahungaa
tumhaari mohabbat agar saath hogi

lahja ki jaise subh ki khushbu azaan de
ji chaahtaa hai main tiri aavaaz chuum luun