main har haal mein muskuraataa rahungaa — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

naasur ki sifat hai na hogaa kabhu vo band
jarraah zakhm-e-ishq kuun aa kar siyaa to kyaa

dil-e-ushshaaq parindon ki tarah uDte hain
is bayaabaan mein kyaa ek bhi sayyaad nahin

miraa dil baar-e-ishq aisaa uThaane mein dilaavar hai
jo us ke koh duun sar par to us ko kaah jaane hai

ishq ne kishvar-e-dil luuTaa hai
aa ke aabaad karo banda-navaaz