nashaat-angez naghme kyaa sunaaein — Parveen Fana Syed

meri aankhon mein utarne vaale
Duub jaanaa tiri aadat to nahin

— Parveen Fana Syed

teri pahchaan ke laakhon andaaz
sar jhukaanaa hi ibaadat to nahin

— Parveen Fana Syed

khul ke ro luun to zaraa ji sambhle
muskuraanaa hi masarrat to nahin

— Parveen Fana Syed

jahaan-e-rang-o-bu par miTne vaalo
ye duniyaa mauj hai saahil nahin hai

— Parveen Fana Syed

har samt sukut boltaa hai
ye kaun se jurm ki sazaa hai

— Parveen Fana Syed

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi