har samt sukut boltaa hai — Parveen Fana Syed

meri aankhon mein utarne vaale
Duub jaanaa tiri aadat to nahin

teri pahchaan ke laakhon andaaz
sar jhukaanaa hi ibaadat to nahin

khul ke ro luun to zaraa ji sambhle
muskuraanaa hi masarrat to nahin

jahaan-e-rang-o-bu par miTne vaalo
ye duniyaa mauj hai saahil nahin hai

nashaat-angez naghme kyaa sunaaein
tabiat is taraf maail nahin hai

main baDaa ho gayaa huun magar bachpanaa
mere dil se kabhi bhi gayaa hi nahin

nahin minnat-kash-e-taab-e-shunidan daastaan meri
khamoshi guftugu hai be-zabaani hai zabaan meri

chaman-zaar-e-mohabbbat mein khamoshi maut hai bulbul
yahaan ki zindagi paabandi-e-rasm-e-fughaan tak hai

dukaanein husn ki aage tire takhta hui hongi
jo tu baazaar mein hogaa to yusuf kab bikaa hogaa

teri ruuh mein sannaaTaa hai aur miri aavaaz mein chup
tu apne andaaz mein chup hai main apne andaaz mein chup

chup ho gayaa huun aap ki surat ko dekh kar
karni thiin aap se mujhe kitni shikaayatein