teri pahchaan ke laakhon andaaz — Parveen Fana Syed

meri aankhon mein utarne vaale
Duub jaanaa tiri aadat to nahin

khul ke ro luun to zaraa ji sambhle
muskuraanaa hi masarrat to nahin

jahaan-e-rang-o-bu par miTne vaalo
ye duniyaa mauj hai saahil nahin hai

har samt sukut boltaa hai
ye kaun se jurm ki sazaa hai

nashaat-angez naghme kyaa sunaaein
tabiat is taraf maail nahin hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

apni zaat se aage jaanaa hai jis ko
us ko barf se paani honaa paDtaa hai

aankhon mein shab utar gai khvaabon kaa silsila rahaa
main khud ko dekhtaa rahaa main khud ko sochtaa rahaa

ab ke vahshat ne mujhe rok liyaa hai varna
pichhle mausam ki tarah lauT ke ghar jaanaa thaa