supurd kar ke use chāñdnī ke hāthoñ meñ — Parveen Shakir

justujū kho.e huoñ kī umr bhar karte rahe
chāñd ke hamrāh ham har shab safar karte rahe

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

dil ajab shahr ki jis par bhī khulā dar is kā
vo musāfir ise har samt se barbād kare

mas.ala jab bhī charāġhoñ kā uThā
faisla sirf havā kartī hai

band kar ke mirī āñkheñ vo sharārat se hañse
būjhe jaane kā maiñ har roz tamāshā dekhūñ

''aap kī yaad aatī rahī raat bhar''
chāñdnī dil dukhātī rahī raat bhar

chāñd ne taan lī hai chādar-e-abr
ab vo kapḌe badal rahī hogī

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

husn ko chāñd javānī ko kañval kahte haiñ
un kī sūrat nazar aa.e to ġhazal kahte haiñ

mirī fazā meñ hai tartīb-e-kā.enāt kuchh aur
ajab nahīñ jo tirā chāñd hai sitāra mujhe

havā shāḳhoñ meñ rukne aur ulajhne ko hai is lamhe
guzarte bādaloñ meñ chāñd haa.il hone vaalā hai