husn ko chaand javaani ko kanval kahte hain — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

vo chaand hai to aks bhi paani mein aaegaa
kirdaar khud ubhar ke kahaani mein aaegaa

jo nuur bharte the zulmaat-e-shab ke sahraa mein
vo chaand taare falak se utar gae shaayad

hamaare daur ki taarikiyaan miTaane ko
sahaab-e-dard se khushiyon kaa chaand ubhraa hai

sunaa hai raat puure chaand ki hai
samundar shaam se bahkaa huaa hai

meri to por por mein khushbu si bas gai
us par tiraa khayaal hai aur chaand-raat hai

muddaton us ki khvaahish se chalte rahe haath aataa nahin
chaah mein us ki pairon mein hain aable chaand ko kyaa khabar