alag baat hai ye ki tum sun na paae — Priyamvada Ilhan

idhar aate un ke qadam dekhte hain
sitam hai ki hai ye karam dekhte hain

bahut milne se aib dikhte hain kam-kam
bahut dekhte hain jo kam dekhte hain

ham sahraa vaale hain badraa ye prem ki rim-jhim aur kahin
aanaa hai yahaan to aaiyo tu jam kar jham-jham karne ke liye

kiije izhaar-e-mohabbat chaahe jo anjaam ho
zindagi mein zindagi jaisaa koi to kaam ho

jo kahkashaan si nazar aati hain miri aankhein
guzishta shab ke ye aansu hain jo sitaare hue

dil ko honaa hai fanaa rahnaa hai qaaem aql ko
hasti-e-aadam kahaan jaae ye fitrat chhoD kar

dil ko tire firaaq ki aarzu yaad rah gai
din vo mohabbaton ke bhi misl-e-rah-e-safar gae

jaise an-dekhe ujaale ki koi divaar ho
band ho jaataa hai kuchh duuri pe har ik raastaa

main din ko shab se bhalaa kyuun alag karun saani
ye tirgi bhi to ik raushni kaa hissa hai

hayaat-e-khizr de yaarab mire tahammul ko
shab-e-firaaq agar mukhtasar nahin na sahi

hai muqaddar mein zulekhaa se judaai shaayad
khvaab mein misr ke baazaar nazar aate hain

udaasi ki tijaarat kar rahe hain
firaaq-e-yaar hai pesha hamaaraa