jaise an-dekhe ujaale ki koi divaar ho — Krishn Bihari Noor

sach ghaTe yaa baDhe to sach na rahe
jhuuT ki koi intihaa hi nahin

itne hisson mein baT gayaa huun main
mere hisse mein kuchh bachaa hi nahin

jitne mausam hain sabhi jaise kahin mil jaaein
in dinon kaise bataaun jo fazaa hai mujh mein

mausam hain do hi ishq ke surat koi bhi ho
hain us ke paas aaine hijr-o-visaal ke

ho vaapsi agar to inhein raaston se ho
jin raaston se pyaar tiraa le gayaa mujhe

main jis ke haath mein ik phuul de ke aayaa thaa
usi ke haath kaa patthar miri talaash mein hai

is judaai mein tum andar se bikhar jaaoge
kisi maazur ko dekhoge to yaad aaungaa

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

is qadar musalsal thiin shiddatein judaai ki
aaj pahli baar us se main ne bevafaai ki

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

firaaq-e-khuld se gandum hai sina-chaak ab tak
ilaahi ho na vatan se koi gharib judaa