ham sitaaron ki tarah Duub gae — Qamar Jameel

ek patthar ki dast-e-yaar mein hai
phuul banne ke intizaar mein hai

apni naakaamiyon pe aakhir-e-kaar
muskuraanaa to ikhtiyaar mein hai

yaa allahabad mein rahiye jahaan sangam bhi ho
yaa banaras mein jahaan har ghaaT par sailaab hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

ye na thi hamaari qismat ki visaal-e-yaar hotaa
agar aur jiite rahte yahi intizaar hotaa

hai khushi intizaar ki har dam
main ye kyuun puchhun kab mileinge aap

muddat hui palak se palak aashnaa nahin
kyaa is se ab ziyaada kare intizaar chashm