ek patthar ki dast-e-yaar mein hai — Qamar Jameel

ham sitaaron ki tarah Duub gae
din qayaamat ke intizaar mein hai

apni naakaamiyon pe aakhir-e-kaar
muskuraanaa to ikhtiyaar mein hai

yaa allahabad mein rahiye jahaan sangam bhi ho
yaa banaras mein jahaan har ghaaT par sailaab hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

miTe ye shubh to a dost tujh se baat karein
hamaari pahli mulaaqaat aakhiri to nahin

kuchh ghazlein un zulfon par hain kuchh ghazlein un aankhon par
jaane vaale dost ki ab ik yahi nishaani baaqi hai