baraae-naam hi sahi ba-ehtiyaat kijiye — Rahi Fidai

sabza-zaaron ki sharaafat se na khelo qatan
tum havaa ho to khalaaon se lipaT kar dekho

kisi ko saayaa kisi ko gul-o-samar degaa
haraa-bharaa hai darakht-e-rivaaj rahne do

sharaafaton ke rang mein sharaartein khalat-malat
sar-mazaaq ho gaiin himaaqatein khalat-malat

aap ne achchhaa kiyaa tathir-e-khvaahish hi na ki
varna zamzam chashma-e-naapaak hotaa ghaaliban

khud ko mumtaaz banaane ki dili-khvaahish mein
dushman-e-jaan se mili meri anaa saazish mein

har ek shaakh thi larzaan fazaa mein chikh-o-pukaar
havaa ke haath mein ik aab-daar khanjar thaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

shaam-e-gham main ne jo puchhaa miraa gham-khvaar hai kaun
ik ghazal 'mir' ke divaan se baahar aai

kyon nahin dekhtaa hai vo muD kar
mar gaiin raah mein sadaaein kyaa