ham apne haal-e-pareshaan pe baarhaa roe — Rais Amrohvi

ham apni zindagi to basar kar chuke 'rais'
ye kis ki ziist hai jo basar kar rahe hain ham

kis ne dekhe hain tiri ruuh ke riste hue zakhm
kaun utraa hai tire qalb ki gahraai mein

pahle ye shukr ki ham hadd-e-adab se na baDhe
ab ye shikva ki sharaafat ne kahin kaa na rakhaa

abhi se shikva-e-past-o-buland ham-safro
abhi to raah bahut saaf hai abhi kyaa hai

Tahni pe khamosh ik parinda
maazi ke ulaT rahaa hai daftar

khaamosh zindagi jo basar kar rahe hain ham
gahre samundaron mein safar kar rahe hain ham