kis ki aaankhon se giraa hai ye — Raja Mehdi Ali Khan

jab apnaa dukh sunaaun qamar ke pidar ko main
kahte hain dekh aag lagaa dungaa ghar ko main

vo sab aa ke izhaar-e-maatam kareinge
vo baiThak mein roeinge chaae piyeinge

buri buri nazrein chehre par Daal rahe hain uf tauba
ham apne donon gaalon ko jaa ke abhi dho aaeinge

bismillaah are-vaah main qurbaan main qurbaan
kyaa khuub lagi hai kamand allaah tiri shaan

pahle ham ko bahan kahaa ab fikr hamin se shaadi ki
ye bhi na sochaa bahan se shaadi kar ke kyaa kahlaaeinge

main tum pe huun 'jaan-nisaar-akhtar' qasam hai 'munshi-fidaa-ali' ki
bahut dinon se main tum pe 'saahir' se jaadu Tone karaa rahaa huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kahin aansuon se likhaa huaa kahin aansuon se miTaa huaa
lauh-e-dil pe jis ke nishaan hain vahi ek naam qubul hai

sukun-afzaa bahut hai dard-e-ulfat
qaraar ab umr bhar aae na aae

hazaar rang mein mumkin hai dard kaa izhaar
tire firaaq mein marnaa hi kyaa zaruri hai