ijaazat kam thi jiine ki magar mohlat ziyaada thi — Rajesh Reddy

kiyaa ijaad jis ne bhi khudaa ko
vo khud ko kaise bahlaataa thaa pahle

saath 'ghaalib' ke gai fikr ki gahraai bhi
aur lahja bhi gayaa 'mir-taqi-mir' ke saath

sab log is se pahle ki devtaa samajhte
ham ne zaraa saa khud ko insaan kar liyaa hai

kyaa jaane kis jahaan mein milegaa hamein sukun
naaraaz hain zamin se khafaa aasmaan se ham

justuju kaa ik ajab silsila taa-umr rahaa
khud ko khonaa thaa kahin aur kahin DhunDhnaa thaa

kaun paDhtaa hai yahaan khol ke ab dil ki kitaab
ab to chehre ko hi akhbaar kiyaa jaanaa hai

mere khvaabon ke jharokon ko sajaate rahiye
na sahi vasl magar yaad to aate rahiye

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

koi viraani si viraani hai
dasht ko dekh ke ghar yaad aayaa

yaad aai hai to phir TuuT ke yaad aai hai
koi guzri hui manzil koi bhuli hui dost

is zindagi mein itni faraaghat kise nasib
itnaa na yaad aa ki tujhe bhuul jaaein ham

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai