tamaam shahr giraftaar hai aziyyat mein — Ramzi Asim

yaani koi kami nahin mujh mein
yaani mujh mein kami usi ki hai

— Ramzi Asim

khinch laai hai tire dasht ki vahshat varna
kitne dariyaa hi miri pyaas bujhaane aate

— Ramzi Asim

ishq thaa aur aqidat se milaa karte the
pahle ham log mohabbat se milaa karte the

— Ramzi Asim

yaa unhein aati nahin bazm-e-sukhan-aaraai
yaa hamein bazm ke aadaab nahin aate hain

— Ramzi Asim

miri jagah pe koi aur ho to chikh uTThe
main apne aap se itne savaal kartaa huun

— Ramzi Asim

tumhaare saath kai ranj baanTne hain hamein
so ek din ke liye zindagi se fursat lo

— Ramzi Asim

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir