khinch laai hai tire dasht ki vahshat varna — Ramzi Asim

yaani koi kami nahin mujh mein
yaani mujh mein kami usi ki hai

ishq thaa aur aqidat se milaa karte the
pahle ham log mohabbat se milaa karte the

yaa unhein aati nahin bazm-e-sukhan-aaraai
yaa hamein bazm ke aadaab nahin aate hain

tamaam shahr giraftaar hai aziyyat mein
kise kahun mire ahbaab ki khabar rakkhe

miri jagah pe koi aur ho to chikh uTThe
main apne aap se itne savaal kartaa huun

tumhaare saath kai ranj baanTne hain hamein
so ek din ke liye zindagi se fursat lo

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

gar josh pe Tuk aayaa dariyaav tabiat kaa
ham tum ko dikhaa deinge phailaav tabiat kaa