tumhaare saath kai ranj baanTne hain hamein — Ramzi Asim

yaani koi kami nahin mujh mein
yaani mujh mein kami usi ki hai

— Ramzi Asim

khinch laai hai tire dasht ki vahshat varna
kitne dariyaa hi miri pyaas bujhaane aate

— Ramzi Asim

ishq thaa aur aqidat se milaa karte the
pahle ham log mohabbat se milaa karte the

— Ramzi Asim

yaa unhein aati nahin bazm-e-sukhan-aaraai
yaa hamein bazm ke aadaab nahin aate hain

— Ramzi Asim

tamaam shahr giraftaar hai aziyyat mein
kise kahun mire ahbaab ki khabar rakkhe

— Ramzi Asim

miri jagah pe koi aur ho to chikh uTThe
main apne aap se itne savaal kartaa huun

— Ramzi Asim

kam-umri mein sunet hain
mar jaate hain achchhe log

— Malikzada Javed

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi ke bahut qarib na jaa
faasla kuchh to apne dhyaan mein rakh

— Akmal Imaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal