tu miri baat kaa javaab na de — Rifat Sultan

umr bhar tujh ko dekhne par bhi
zauq-e-nazzaara kam nahin hotaa

dil mein koi khushi nahin lekin
aadatan muskuraa rahaa huun main

gham-e-hayaat se itni bhi hai kahaan fursat
ki teri yaad mein ji bhar ke ro liyaa jaae

mujhe bhi yuun to baDi aarzu hai jiine ki
magar savaal ye hai kis tarah jiyaa jaae

ab is maqaam pe laai hai zindagi mujh ko
ki chaahtaa huun tujhe bhi bhulaa diyaa jaae

jaltaa rahaa huun ziist ke dozakh mein umr bhar
ye aur baat hai miri koi khataa nahin