umr bhar tujh ko dekhne par bhi — Rifat Sultan

dil mein koi khushi nahin lekin
aadatan muskuraa rahaa huun main

tu miri baat kaa javaab na de
main samajhtaa huun khaamushi ki zabaan

gham-e-hayaat se itni bhi hai kahaan fursat
ki teri yaad mein ji bhar ke ro liyaa jaae

mujhe bhi yuun to baDi aarzu hai jiine ki
magar savaal ye hai kis tarah jiyaa jaae

ab is maqaam pe laai hai zindagi mujh ko
ki chaahtaa huun tujhe bhi bhulaa diyaa jaae

jaltaa rahaa huun ziist ke dozakh mein umr bhar
ye aur baat hai miri koi khataa nahin

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ai gham-e-zindagi na ho naaraaz
mujh ko aadat hai muskuraane ki

umr bhar dekhaa kiye marne ki raah
mar gae par dekhiye dikhlaaein kyaa

zindagi khvaab dekhti hai magar
zindagi zindagi hai khvaab nahin