kaise kar luun yaqin main teraa — Rizwana Bano Iqra

tum ko chaahein bhi aur ghair ke saath bhi dekhein
tum kyaa jaano ishq ki kyaa kyaa laachaari hai

gham hai na ab khushi hai na ummid hai na yaas
sab se najaat paae zamaane guzar gae

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

nahin nahin main bahut khush rahaa huun tere baghair
yaqin kar ki ye haalat abhi abhi hui hai

mujhe to lagtaa hai jaise ye kaaenaat tamaam
hai baazgasht yaqinan sadaa kisi ki nahin

khul gayaa ab ye ki vasl us kaa khayaal-e-khaam hai
aaj ummidon kaa dil hi dil mein qatl-e-aam hai

qadam uThaae hain ham ne bhi is yaqin ke saath
jahaan se guzreinge ham teri rahguzar hogi