qadam uThaae hain ham ne bhi is yaqin ke saath — Muzafarunnisa Naz

shahr ki bhiiD mein aankhein jise kho deti hain
dil ke aangan mein vahi shakhs khaDaa hotaa hai

na guftugu mein tasalli na khaamushi mein sadaa
suluk-e-dost kaa andaaz hi niraalaa hai

pyaar karne vaalon kaa sirf ek sahraa hai
saare shahr us ke hain saari bastiyaan us ki

gham hai na ab khushi hai na ummid hai na yaas
sab se najaat paae zamaane guzar gae

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

nahin nahin main bahut khush rahaa huun tere baghair
yaqin kar ki ye haalat abhi abhi hui hai

baDhne lagi yaqin o gumaan mein jo kashmakash
vaada bhi subh o shaam pe Taltaa chalaa gayaa

naa-umidi baDh gai hai is qadar
aarzu ki aarzu hone lagi

bahut se gham to diye 'zabt' aise logon ne
ki jin se koi tavaqqo na thi vafaa ke sivaa