tum na tauba karo jafaaon se — Sahir Hoshiyarpuri

ham qarib aa kar aur duur hue
apne apne nasib hote hain

hui thi khvaab mein khushbu si mahsus
tum aae khvaab ki taabir dekhi

ham ko aghyaar kaa gilaa kyaa hai
zakhm khaaein hain ham ne yaaron se

phir kisi bevafaa ki yaad aai
phir kisi ne liyaa vafaa kaa naam

jab bigaDte hain baat baat pe vo
vasl ke din qarib hote hain

kaun kahtaa hai mohabbat ki zabaan hoti hai
ye haqiqat to nigaahon se bayaan hoti hai

ye kyaa zaruri ki sab baa-vafaa pukaarein hamein
koi to hai jo hamein bevafaa pukaartaa hai

ai samundar ki taraf dekhne vaale tu ne
apne tufaan kaa nazaara to kiyaa hotaa kabhi

vafaa kaa har chalan sikhlaa diyaa thaa
kisi ne bevafaa hone se pahle

main bhi kuchh khush nahin vafaa kar ke
tum ne achchhaa kiyaa nibaah na ki

bevafaa umr daghaabaaz javaani nikli
na yahi rahti hai zaalim na vahi rahti hai

mohabbat mein vafaa ki had jafaa ki intihaa kaisi
'mubaarak' phir na kahnaa ye sitam koi sahe kab tak