ai samundar ki taraf dekhne vaale tu ne — Moid Rasheedi

bichhaDte vaqt kahnaa thaa bahut kuchh
main kyaa kahtaa judaa hone se pahle

vo chaahte hain ki har baat maan li jaae
aur ek main huun ki har baat kaaT detaa huun

ab eatibaar nahin meri jaan kisi kaa nahin
charaagh sab ke liye hai dhuaan kisi kaa nahin

havas ki dhuup mein phailaa hai shor-e-khalq-e-khudaa
sunaa kisi ne nahin bastiyon mein girya-e-khaak

mujh ko paane ki tamanna mein vo gharqaab huaa
main ne saahil ki tamanna mein use khoyaa hai

itnaa aasaan nahin lafzon ko ghazal kar lenaa
shor ko sher banaane mein jigar lagtaa hai

ek khushbu thi jo malbus pe taabinda thi
ek mausam thaa mire sar pe jo tufaani thaa

jal kar giraa huun sukhe shajar se uDaa nahin
main ne vahi kiyaa jo taqaazaa vafaa kaa thaa

aise haalaat mein ik roz na ji sakte the
ham ko zinda tire paimaan-e-vafaa ne rakkhaa

har samt se tufaan ki aamad ki hain khabrein
ab maan lo ham log gunahgaar bahut hain

dil TuuTaa to 'mit' samajh mein ye aayaa
ishq vafaa sab ek paheli nikli hai

ummid-e-vafaa ke pesh-e-nazar main un ki jafaaein bhuul gayaa
hai mustaqbil par aankh miri maazi ko bhulaataa jaataa huun