vafaa kaa har chalan sikhlaa diyaa thaa — Moid Rasheedi

itnaa aasaan nahin lafzon ko ghazal kar lenaa
shor ko sher banaane mein jigar lagtaa hai

vo chaahte hain ki har baat maan li jaae
aur ek main huun ki har baat kaaT detaa huun

ab eatibaar nahin meri jaan kisi kaa nahin
charaagh sab ke liye hai dhuaan kisi kaa nahin

havas ki dhuup mein phailaa hai shor-e-khalq-e-khudaa
sunaa kisi ne nahin bastiyon mein girya-e-khaak

bichhaDte vaqt kahnaa thaa bahut kuchh
main kyaa kahtaa judaa hone se pahle

jab bhi aql banaati hai pahlaa misraa
dil ko misra-e-saani honaa paDtaa hai

is zindagi ne saath kisi kaa nahin diyaa
kis bevafaa se tujh ko tamannaa vafaa ki hai

phir kisi bevafaa ki yaad aai
phir kisi ne liyaa vafaa kaa naam

ghair se kiyaa gila kare koi
jab ki apne hi bevafaa ho jaaein

dusron ko fareb de de kar
ham ne khud bhi fareb khaayaa hai

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

kuchh to majburiyaan rahi hongi
yuun koi bevafaa nahin hotaa