Unwan Chishti

vo hadse bhi dahr men ham par guzar ga.e
jiine ki aarzu men ka.i baar mar ga.e

ishq phir ishq hai ashufta-sari mange hai
hosh ke daur men bhi jama-dari mange hai

miri samajh men aa gaya har ek raz-e-zindagi
jo dil pe choT paD ga.i to duur tak nazar ga.i

husn hi to nahin betab-e-numa.ish 'unvan'
ishq bhi aaj na.i jalvagari mange hai

rahne de taklif-e-tavajjoh dil ko hai aram bahut
hijr men teri yaad bahut hai gham men tera naam bahut

is kar-e-numayan ke shahid hain chaman vaale
gulshan men baharon ko laa.e the hamin pahle

ishq phir ishq hai aashufta-sari maange hai
hosh ke daur mein bhi jaama-dari maange hai

main kis tarah tujhe ilzaam-e-bevafaai duun
rah-e-vafaa mein tire naqsh-e-paa bhi milte hain

pareshaan ho ke dil tark-e-taalluq par hai aamaada
mohabbat mein ye surat bhi na raas aai to kyaa hogaa

vo haadse bhi dahr mein ham par guzar gae
jiine ki aarzu mein kai baar mar gae

aap se chuuk ho gai shaayad
aap aur mujh pe mehrbaan kyaa khuub

miri samajh mein aa gayaa har ek raaz-e-zindagi
jo dil pe choT paD gai to duur tak nazar gai