haalaat 'shahaab' aankh uThaane nahin dete — Shahab Safdar

muddaton baa'd kabhi ai nazar aane vaale
iid kaa chaand na dekhaa tiri surat dekhi

kyaa lutf-e-id hai jo agar tum se duur hon
guzregaa roz-e-id tasavvur mein aap ke

ham bhi usi ke saath gae hosh se 'said'
lamha jo qaid-e-vaqt se baahar chalaa gayaa

eid ab ke bhi gai yunhi kisi ne na kahaa
ki tire yaar ko ham tujh se milaa dete hain

vaadon hi pe har roz miri jaan na Taalo
hai eid kaa din ab to gale ham ko lagaa lo

eid tu aa ke mire ji ko jalaave afsos
jis ke aane ki khushi ho vo na aave afsos