mar rahaa huun to yaad aataa hai — Shahbaz Rizvi

ik roz ik nadi ke kinaare mileinge ham
ik dusre se apnaa pataa puchhte hue

miri zamin pe phailaa hai aasmaan-e-adam
azal se mere zamaane pe ik zamaana hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

gum rahaa huun tire khayaalon mein
tujh ko aavaaz umr bhar di hai

kartaa rahaa lughaat ki tahqiq umr bhar
aamaal-naama nuskha-e-farhang ho gayaa

hayaat aaj bhi kaniz hai huzur-e-jabr mein
jo zindagi ko jiit le vo zindagi kaa mard hai