yahi kamra thaa jis mein chain se ham ji rahe the — Shariq Kaifi

kam se kam duniyaa se itnaa miraa rishta ho jaae
koi meraa bhi buraa chaahne vaalaa ho jaae

kis tarah aae hain is pahli mulaaqaat talak
aur mukammal hai judaa hone ki tayyaari bhi

rukaa mahfil mein itni der tak main
ujaalon kaa buDhaapaa dekh aayaa

vo basti naa-khudaaon ki thi lekin
mile kuchh Dubne vaale vahaan bhi

jaise ye mez miTTi kaa haathi ye phuul
ek kone mein ham bhi hain rakkhe hue

vahaan iid kyaa vahaan diid kyaa
jahaan chaand raat na aai ho

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

hain ye jazbaat mire dard bhare dil ke figaar
lafz ban ban ke jo ashaar tak aa pahunche hain

tire gham ke saamne kuchh gham-e-do-jahaan nahin hai
hai jahaan tiraa tasavvur vahaan in-o-aan nahin hai