phir us ki yaad ne dastak dil-e-hazin par di — Tahseen Firaqi

sath-e-dariyaa kaa ye saffaak sukun hai dhokaa
ye tiri naav kisi vaqt Dubo saktaa hai

mujh saa anjaan kisi moD pe kho saktaa hai
haadsa koi bhi is shahr mein ho saktaa hai

main jin galiyon mein paiham barsar-e-gardish rahaa huun
main un galiyon mein itnaa khaar pahle kab huaa thaa

bahaar ab ke jo guzri to phir na aaegi
bichhaDne vaale bichhaDte samay ye kah gae hain

main kahaan aur kahaan shaaeri main ne to faqat
majlis-e-sher bapaa ki to tumhaare liye ki

ye tai huaa hai ki sher o adab ke paimaane
hamaare shahr kaa ik yak-fanaa hi tai karegaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

hindu se puchhiye na musalmaan se puchhiye
insaaniyat kaa gham kisi insaan se puchhiye

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai