Abu Mohammad Sahar

be-rabti-e-hayat ka manzar bhi dekh le
thoDa sa apni zaat ke bahar bhi dekh le

maana apni jaan ko vo bhi dil ka rog laga.enge
ahl-e-junun khud kya samjhe hain naseh kya samjha.enge

ishq ko husn ke atvar se kya nisbat hai
vo hamen bhuul ga.e ham to unhen yaad karen

takmil-e-arzu se bhi hota hai gham kabhi
aisi dua na maang jise bad-dua kahen

hindu se puchhiye na musalman se puchhiye
insaniyat ka gham kisi insan se puchhiye

bala-e-jan thi jo bazm-e-tamasha chhoD di main ne
khusha ai zindagi khvabon ki duniya chhoD di main ne

hindu se puchhiye na musalmaan se puchhiye
insaaniyat kaa gham kisi insaan se puchhiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hamein tanhaaiyon mein yuun to kyaa kyaa yaad aataa hai
magar sach puchhiye to ek chehraa yaad aataa hai

'sahar' ab hogaa meraa zikr bhi raushan-dimaaghon mein
mohabbat naam ki ik rasm-e-bejaa chhoD di main ne

ishq ke mazmun the jin mein vo risaale kyaa hue
ai kitaab-e-zindagi tere havaale kyaa hue

takmil-e-aarzu se bhi hotaa hai gham kabhi
aisi duaa na maang jise bad-duaa kahein