thi yuun to shaam-e-hijr magar pichhli raat ko — Firaq Gorakhpuri

chhuT ke ghar aa gae asiir tire
lekin ab in ko kaun pahchaane

kam se kam maut se aisi mujhe ummid nahin
zindagi tu ne to dhoke pe diyaa hai dhoka

bahut dinon mein mohabbat ko ye huaa maalum
jo tere hijr mein guzri vo raat raat hui

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

jo uljhi thi kabhi aadam ke haathon
vo gutthi aaj tak suljhaa rahaa huun

main muddaton jiyaa huun kisi dost ke baghair
ab tum bhi saath chhoDne ko kah rahe ho khair

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

mohabbat ek khushbu hai hamesha saath chalti hai
koi insaan tanhaai mein bhi tanhaa nahin rahtaa

aansu falak ki aankh se Tapke tamaam raat
aur subh tak zamin kaa aanchal bhigo gae

bahut khaamosh rah kar jo sadaaein mujh ko detaa thaa
baDe sundar se jazbon ki qabaaein mujh ko detaa thaa