ik bahaana hai tujhe yaad kiye jaane kaa — Tufail Bismil

phir se bikhri hai tiri zulf mire shaanon par
vaqt aayaa hai gae vaqt ko lauTaane kaa

vaqt ke maqtal mein ham hain dosto
vaqt ik din ham ko bhi khaa jaaegaa

aavaaz huun ubhar ke jo sahraa mein kho gai
yaa zindagi ke bahr mein mauj-e-khayaal huun

mere khvaabon ke jharokon ko sajaate rahiye
na sahi vasl magar yaad to aate rahiye

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

sab ko ham bhuul gae josh-e-junun mein lekin
ik tiri yaad thi aisi jo bhulaai na gai