uljhi thi jin mein ek zamaane se zindagi — Waheeda Naseem

ham ajnabi hain aaj bhi apne dayaar mein
har shakhs puchhtaa hai yahi tum yahaan kahaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

donon jahaan teri mohabbat mein haar ke
vo jaa rahaa hai koi shab-e-gham guzaar ke

zindagi kyaa kisi muflis ki qabaa hai jis mein
har ghaDi dard ke paivand lage jaate hain

sajaao bazm ghazal gaao jaam taaza karo
''bahut sahi gham-e-giti sharaab kam kyaa hai''