na karein aap vafaa ham ko kyaa — Wazir Ali Saba Lakhnavi

tu apne paanv ki mehndi chhuDaa ke de ai mahr
falak ko chaahiye ghaaza rukh-e-qamar ke liye

na paDhaa yaar ne ahvaal-e-shikasta meraa
khat ke purze kiye baazu-e-kabutar toDaa

khaak mein mujh ko milaa ke vo sanam kahtaa hai
apne allaah se jaa kar miri fariyaad karo

paayaa hai is qadar sukhan-e-sakht ne rivaaj
punjabi baat karte hain pashtu zabaan mein

kyaa banaayaa hai buton ne mujh ko
naam rakkhaa hai musalmaan meraa

ham rind-e-pareshaan hain maah-e-ramazaan hai
chamki hui in rozon mein vaaiz ki dukaan hai

ye meri tira-nasibi ye saadgi ye fareb
giri jo barq main samjhaa charaagh-e-khaana milaa

is qadar musalsal thiin shiddatein judaai ki
aaj pahli baar us se main ne bevafaai ki

kuchh aisaa hai fareb-e-nargis-e-mastaana barson se
ki sab bhule hue hain kaaba o but-khaana barson se

vo jis ne mujh ko tire hijr mein bahaal rakhaa
tu aa gayaa hai to kyaa us se bevafaa ho jaaun

ik baar agar qafas ki havaa raas aa gai
ai khud-fareb phir havas-e-baal-o-par kahaan

phir kai zakhm-e-dil mahak uTThe
phir kisi bevafaa ki yaad aai